နယူးယောက်မှာနေတဲ့အတွက် မကြာမကြာ ကျွန်တော့အိမ်ကို ဧည့်သည်လာလေ့ရှိပါတယ်။ အရင်တစ်ပတ်က (အောက်တိုဘာ ၁၈ ရက်နေ့) နယူးယောက်မှာ စိုင်းထီးဆိုင် အမှတ်တရတီးဝိုင်းကျင်းပသွားပါတယ်။ ကျွန်တော့ အကို ကိုချစ်ခိုင်က အဲဒီပွဲမှာ keyboard တီးပါတယ်။ သူနဲ့ အရင်စိုင်းထီးဆိုင်ရဲ့ "သဘာဝရင်သွေးငယ်" မှာ ဂစ်တာတီးတဲ့ ကိုဘုံးဘုံတို့ ကျွန်တော့အခန်းမှာ ၃ ည စတည်းချသွားကြပါတယ်။
သီချင်းတိုက်ကြတဲ့ ၂ ညလောက်တော့သွားပြီး နားထောင်ဖြစ်ပါတယ်။ မမေဆွိ၊ မမီမီဝင်းဖေ နဲ့ မရတနာဦး - တို့ကအဓိကဆိုကြတာ ဖြစ်ပါတယ်။ စောဘွဲ့မှူးရဲ့သား ဘွဲ့လေးလည်းလာပြီးဂစ်တာတီးသွားပါတယ်။
၁၈ ရက်နေ့တီးဝိုင်းစတဲ့ညက တီးဝိုင်းရဲ့စက်အသံတွေက တော်တော်ကောင်းပါတယ် (သိပ်သိလုိ့တော့မဟုတ်ပါဘူး၊ စိတ်ထဲထင်တာပြောတာပါ)။ လူသိပ်များများလာတာမတွေ့မိဘူး။ တီးဝိုင်းက ၆ နာရီခွဲလောက်မှာစတာ၊ ကျွန်တော်လည်း ကိစ္စတစ်ခုရှိတာကြောင့် ၇ နာရီကြော်ကြော်မှာ ထွက်ခဲ့ရတာမို့ နောက်ပိုင်းလူများလာသလားတော့မပြောတတ်ဖူး။
Post a Comment