TCP နဲ့ Bandwidth

TCP Protocol ရဲ့ အဓိက ရည်ရွယ်ချက်က ကွန်ပျူတာနှစ်လုံး ဆက်သွယ်ကြတဲ့အခါ ယုံကြည်စိတ်ချရအောင်ဖြစ်ပါတယ်။
လမ်းခုလပ်မှာ အချက်အလက်တွေ ပျောက်ရှပျက်စီးသွားရင်တောင်မှာ TCP က ပြန်ပြီးပို့ပေးတာမျိုးပေါ့။ Network ထဲမှာ bandwidth တို့၊ delay တို့ ပြောင်းသွားတာကို မူတည်ပြီး အချက်အလက်ပို့ပေးတဲ့နှုန်း အနှေးအမြန်ကို TCP ကအလိုအလျောက် ထိန်းသိမ်းပေးပါတယ်။ congestion control လို့ခေါ်ပါတယ်။
TCP မှာသုံးတဲ့ congestion control မှာ နည်းစံနစ်မျိုးစုံပါဝင်ပါတယ်။ ဥပမာပြောရရင်
- နေဂယ်ရဲ့ algorithm
- selective acknowledgement
- fast retransmit
- window flow control
- slow start
စတာတွေဖြစ်ပါတယ်။

အဲဒါတွေထဲက TCP Window နဲ့ Bandwidth အကြောင်းပြောသွားပါမယ်။ အဓိကမှတ်ထားစေချင်တာကတော့ congestion control ဆိုတာ Application တစ်ခုက အချက်အလက်ပို့တဲ့ အနှေးအမြန်နှုန်းကို TCP က အလိုအလျောက် ထိန်းသိမ်းပေးတဲ့ နည်းစံနစ်တွေဖြစ်တယ်ဆိုတဲ့ အချက်ပါ။

Host0 နဲ့ Host1 ဥပမာကိုဘဲ ဆက်သုံးကြတာပေါ့။ Host0 ကအချက်အလက် ပို့ပေးတဲ့ ကွန်ပျူတာ၊ Host1 က အချက်အလက် လက်ခံမဲ့ ကွန်ပျူတာ ပေါ့။
Host0 က Host1 ဆီကို TCP အသုံးပြုပြီး အချက်အလက်ပို့ပေးတဲ့အခါ လက်ခံတဲ့ကွန်ပျူတာ Host1 က ရရှိတဲ့အကြောင်းပြန်ပြောပေးရပါတယ်။ ဒါကို acknowledgment လို့ခေါ်ပါတယ်။ Host0 က acknowledgment ပြန်မရခင် Host1 ဆီကို အချက်အလက် ဘယ်လောက်များများ ပို့ပေးနိုင်တယ်ဆိုတာကို window size လို့ခေါ်ပါတယ်။ Window size ဟာ TCP Packet ရဲ့ခေါင်းစီး (header) မှာပါတဲ့ field တစ်ခုဖြစ်ပြီး ၁၆-ဘစ် အရွယ်အစား ရှိပါတယ်။ ဒါကြောင့် အကြီးဆုံး TCP Window size ဟာ ၂^၁၆ = ၆၄ ကီလိုဘိုက် ဖြစ်ပါတယ်။ RFC-793 စာမျက်နှာ ၁၄၊ အပိုင်း ၃.၁ မှာ TCP ခေါင်းစီးရဲ့အချက်အလက်သိုလှောင်ပုံ (format) ကိုလေ့လာနိုင်ပါတယ်။

Window size ရဲ့ အကြီးဆုံးတန်ဖိုးဟာ ၆၄ ကီလိုဘိုက် ဖြစ်တယ်ဆိုတာကို တနည်းပြောရရင် - Host0 က Host1 ဆီကို acknowledgment မရခင်မှာ အချက်အလက် ၆၄ ကီလိုဘိုက်ထက် ပိုပြီးပုံလို့မရဘူးလို့ ဆိုလိုပါတယ်။ Host0 နဲ့ Host1 ကြားက Network ရဲ့ latency က ၁၀ မီလီစက္ကန့်ဆိုပါစို့။ Host0 က Host1 ကို packet တစ်ခုပို့ပြီး၊ acknowledgment ပြန်ရမဲ့အချိန်ကို တိုင်းတာချင်ရင် latency ကို ၂ ဆပွားပြီးတွက်ချက်ရပါတယ်။ ဘာကြောင့်လဲဆိုတော့ Host0 ကနေ Host1 ကို packet ပို့ဖို့ကြာတာက ၁၀ မီလီစက္ကန့်၊ Host1 ကနေ Host0 ကို acknowledgment ပို့ပေးဖို့ ကြာတာက ၁၀ မီလီစက္ကန့် - စုစုပေါင်း အသွားအပြန်ကြာချိန် ၂၀ မီလီစက္ကန့်ဖြစ်ပါတယ်။ ဒါကို အသွားအပြန်ကြာချိန် (RTT - Round Trip Time) လို့ခေါ်ပြီး TCP နဲ့ပတ်သက်တဲ့စာအုပ်တွေ၊ Network နဲ့ပတ်သက်တဲ့ စာအုပ်တွေမှာ မကြာခဏ တွေ့ရပါလိမ့်မယ်။

ကျွန်တော်တို့ဆွေးနွေးနေတဲ့ ဥပမာမှာ - Window size က ၆၄ ကီလိုဘိုက်၊ RTT က ၂၀ မီလီစက္ကန့် ဆိုတော့ Host0 က Host1 ကို TCP သုံးပြီး အမြန်ဆုံးပို့ပေးနိုင်တဲ့ နှုန်းကို အောက်မှာပေးတဲ့ Formula နဲ့တွက်မယ်ဆိုရင်

[ Window size / RTT = TCP ရဲ့အမြန်နှုန်း ]
၆၄ ကီလိုဘိုက် / ၂၀ မီလီစက္ကန့် = ၂.၅၆ မက်ဂါဘစ် ပါ စက္ကန့် (တစ်စက္ကန့်ကို ၂.၅၆ မက်ဂါဘစ်) ဖြစ်ပါတယ်။

ကွန်ပျူတာ Network တွေမှာ ၁၀၀ မက်ဂါဘစ်၊ ၁ ဂစ်ဂါဘစ် အမြန်နှုန်းကို နေရာတိုင်းလိုလိုမှာ တွေ့နေရပြီဖြစ်ပါတယ်။ TCP Window size ရဲ့ကန့်သတ်ချက်ကြောင့် Network ရဲ့ အမြန်နှုန်းအတိုင်း အချက်အလက်တွေကို မပုံ့နိုင်ဘဲ့ နှေးကွေးနေတာ ဖြစ်တတ်ပါတယ်။ ၆၄ ကီလိုဘိုက် window size ဆိုတာ ၁၉၈၁ ခုနှစ်က သတ်မှတ်ခဲ့တဲ့ စံနစ်ဖြစ်တဲ့အတွက်ကြောင့် ဒီနေ့ခေတ်မှာ အသုံးမတဲ့တော့ပါဘူး။ ဒါပေမယ်လည်း TCP ခေါင်းစီးရဲ့ အချက်အလက်သိုလှောင်ပုံကို ပြန်ပြင်ဖို့ဆိုတာလည်း သိပ်မလွယ်ပါဘူး။ ဒီပြသနာကိုဖြေရှင်းဖို့အတွက် TCP Window Scaling Option ဆိုတာကို ၁၉၉၂ ခုနှစ်မှာ တီထွင်ခဲ့ပါတယ်။ traceroute ကိုရေးခဲ့တဲ့ Van Jacobson က ခေါင်းဆောင်ခဲ့တာဖြစ်ပြီး၊ RFC-1323 စာမျက်နှာ ၇၊ အပိုင်း ၂ မှာအသေးစိတ်ဖတ်ကြည့်နိုင်ပါတယ်။

Window Scaling Option ရဲ့အလုပ်လုပ်ပုံကတော့ TCP window size ကို အဆပွားနိုင်တဲ့ ဂဏန်းတစ်ခုကို Host0 နဲ့ Host1 တို့သဘောတူကြဖို့ဖြစ်ပါတယ်။ Window scaling factor ကို TCP ခေါင်းစီးရဲ့ option field ကိုအသုံးပြုပါတယ်။ ဆိုပါစို့ TCP Window size field က ၃၂ ကီလိုဘိုက်ဖြစ်ပြီး window scale factor က ၁၀၀၀ ဖြစ်ရင် - ကွန်ပျူတာက ပို့ပေးနိုင်တဲ့ စုစုပေါင်းအရွယ်အစားက ၃၂ မက်ဂါဘိုက်ဖြစ်ပါမယ်။

တမျိုးလှည့်ပြီးစဉ်းစာကြည့်ရအောင်။ Host0 ကနေ Host1 ကို 1Gpbs နှုန်းတဲ့ TCP ကိုသုံးပြီးပို့ချင်ရင် Window size ဘယ်လောက်ထားသင့်သလဲ။ RTT က ၂၀ မီလီစက္ကန့်ဘဲ ဆိုပါစို့။ အရင်သုံးတဲ့ formula ကို နည်းနည်းပြောင်းလိုက်တာပါဘဲ။

[ TCP အမြန်နှုန်း * RTT = Window Size ]
၁ ဂစ်ဂါဘစ် ပါ စက္ကန့် * ၂၀ မီလီစက္ကန့် = ၂.၅ မက်ဂါဘိုက် - TCP Window size ကိုသုံးရပါမယ်။

ပြန်ပြောရရင် ၂၀ မီလီစက္ကန့် အသွားအပြန်ကြာချိန် (RTT - Round Trip Time) ရှိတဲ့ Network မှာ TCP ကိုသုံးပြီး 1Gbps အမြန်နှုန်းနဲ့ပို့ချင်ရင် 2.5 MBytes TCP Window size ကို သုံးရပါမယ်။

စာကြွင်း -
၁၊ Operating Systems အားလုံးလိုလိုရဲ့ Default window size က 64KBytes ဖြစ်ပါတယ်။
၂၊ IPERF ဆိုတဲ့ free software tool ကိုသုံးပြီး ကိုယ့် Network ရဲ့ TCP အမြန်နှုန်း ဘယ်လောက်ရှိတယ်ဆိုတာကို တိုင်းတာနိုင်ပါတယ်။
၃၊ Window scaling option ကိုသုံးပြီး OS ရဲ့ 64KBytes default limit ကို program မှာပြင်လို့ရပါတယ်။ C ကိုသုံးထားတဲ့ ဥပမာကိုကြည့်ကြည့်ပါ။ setsockopt() function ကိုသုံးတာဖြစ်ပါတယ်။


/* An example of client code that sets the TCP window size */

int window_size = 128 * 1024; /* 128 kilobytes */
sock = socket(AF_INET, SOCK_STREAM, 0);
/* These setsockopt()s must happen before the connect() */
setsockopt(sock, SOL_SOCKET, SO_SNDBUF,
(char *) &window_size, sizeof(window_size));
setsockopt(sock, SOL_SOCKET, SO_RCVBUF,
(char *) &window_size, sizeof(window_size));
connect(sock, (struct sockaddr *) &address, sizeof(address));



/* An example of server code that sets the TCP window size */
int window_size = 128 * 1024; /* 128 kilobytes */
sock = socket(AF_INET, SOCK_STREAM, 0);
/* These setsockopt()s must happen before the accept() */
setsockopt(sock, SOL_SOCKET, SO_SNDBUF,
(char *) &window_size, sizeof(window_size));
setsockopt(sock, SOL_SOCKET, SO_RCVBUF,
(char *) &window_size, sizeof(window_size));
listen(sock, 5);
accept(sock, NULL, NULL);

2008 US Open Diary - Aug 30

US Open Tennis ပြိုင်ပွဲကျင်းပတဲ့ National Tennis Center နဲ့ ကျွန်တော့အိမ်နဲ့က ၂ မိုင်လောက်သာဝေးပါတယ်။ ကားမောင်းသွားရင် ၅ မိနစ်ခန့်ကြာပြီး၊ လမ်းရှောက်သွားရင်တော့ ၂၀ မိနစ်လောက် ကြာပါတယ်။ ပြိုင်ပွဲမစခင် ၁ ပတ်အလို (သြဂုတ်လ ၁၈ ရက်နေ့က ၂၂ ရက်နေ့အထိ) မှာ အားကာသမားတွေ လေ့ကျင့်တာကို ပိုက်ဆံမပေးဘဲ သွားကြည့်လို့ ရပါတယ်။
အဲဒီအပတ်မှာဘဲ လက်ရေစစ်ပြိုင်ပွဲတွေကိုလည်း ကြည့်လို့ရပါတယ်။

US Open မှာ အမျိုးသား ၁၂၈ ယောက်၊ အမျိုးသမီး ၁၂၈ ယောက် ပါဝင်ယှဉ်ပြိုင်ကြပြီး၊ ၁၄ ရက်ကြာကျင်းပတာဖြစ်ပါတယ်။
ဒီ ၁၂၈ ယောက်ထဲက ၁၆ ယောက်ကို လက်ရည်စမ်းပွဲက ရွေးပါတယ်။ လက်ရည်စမ်းပွဲမှာ ၁၂၈ ယောက်ပါဝင်ပြီး၊ ၄ ရက်ကြာ ကျင်းပပါတယ်။ National Tennis Center မှာ တင်းနစ်ကွင်း ၂၀ ကျော်ရှိပြီး၊ ပြိုင်ပွဲကို ၁ရ ကွင်းပေါ်မှာ ကစားပါတယ်။ ကွင်းအကြီးကြီး ၃ ပါတယ်။
၁၊ Arthur Ashe Stadium က အကြီးဆုံးဖြစ်ပြီး ဖိုင်နယ်ပွဲတွေကို အဲဒီမှာဘဲ ကစားပါတယ်
၂၊ Louis Armstrong Stadium က ဒုတိယ အကြီးဆုံးဖြစ်ပါတယ်
၃၊ Grand Stand က တတိယ အကြီးဆုံး ဖြစ်ပါတယ်
ကျန်တဲ့ ၁၄ ကွင်းကတော့ သိပ် မတိမ်းမယိမ်းပါဘဲ။

လက်မှတ်မှာ (အရမ်းဈေးကြီးတဲ့ လက်မှတ်တွေကလွဲလို့)
၁၊ နေ့လက်မှတ် (မနက် ၁၁ နာရီကစလို့ ကိုယ်ကြိုက်သလောက် အ၀ကြည့်ခွင့်ရှိတယ်)
၂၊ ညလက်မှတ် (ည ၆ နာရီကစလို့ ကိုယ်ကြိုက်သလောက် အ၀ကြည့်ခွင့်ရှိတယ်)
၃၊ Ground Pass (Arthur Ashe Stadium ကို ၀င်ခွင့်မရတာကလွဲလို့၊ နေ့လက်မှတ်နဲ့ဆင်တူပါတယ်)

အကြီးဆုံးကွင်းဖြစ်တဲ့ Ashe Stadium မှာတော့ ခုံနံပါတ်ပါပြီး၊ ကျန်တဲ့ကွင်းတွေမှာတော့ ဦးရာလူ ကြိုက်တဲ့နေရာမှာ ထိုင်လို့ ရပါတယ်။

လွန်ခဲ့တဲ့ ၁ နာရီကျော်ကျော်ကဘဲ Andy Roddick (အမေရိကန်)က Ernests Gulbis (လတ်ဗီးယား) ကို လေးပွဲ အကြိတ်အနယ်ကစားပြီး နိုင်သွားတဲ့ပွဲကို ကြည့်ပြီးပြန်လာခဲ့ပါတယ်။ ပွဲပြီးချိန်မှာ ဒေသစံတော်ချိန် မနက် ၁ နာရီခွဲရှိနေပါပြီ။ သောကြာနေ့ညဆိုတော့ ကွင်းမှာ လူတော်တော်စီပါတယ်။

နောက်နေ့မှ ကြည့်ပြီးတဲ့ ပွဲတွေထဲက ကောင်းနိုးရာရာတွေ ရေးသွားပါမယ်။

လာမဲ့ အင်္ဂနေ့နဲ့၊ ဗုဒ္ဓဟူးနေ့ တွေအတွက် နေ့လက်မှတ်ဝယ်လို့ရခဲ့ပါတယ်။ ပြီးခဲ့တဲ့ တနင်္လာနဲ့၊ သောကြာည တွေမှာ ရုံးက သူငယ်ချင်း မိတ်ဆွေတွေနဲ့ သွားကြည့်းဖြစ်ခဲ့ပါတယ်။

2008 US Open Diary - Aug 21

Current World No.1
Rafael Nadal (Spanish)


Richard Gasquet (French)



Jo-Wilfried Tsonga (French)


David Nalbandian (Argentinean)

နေဂယ် ရဲ့ Algorithm

ဂျွန်နေဂယ်က ၁၉၈၄ ခုနှစ် မှာရေးခဲ့တဲ့ Algorithm ဖြစ်ပြီး၊ RFC-896 မှာ အသးစိတ်ဖတ်ကြည့်နိုင်ပါတယ်။ TCP/IP Network တစ်ခုမှာ packet သေးသေးလေးတွေ သွားနေတာကို သဘောမကျလို့ ရေးခဲ့တာပါ။ TCP Packet တစ်ခုမှာ ပို့ချင်တဲ့ Data ဘယ်လောက်ရှိရှိ ခေါင်းစီးအချက်အလက် (Header) က ၄၀ Bytes နေရာယူပါတယ်။ Telnet လို Program မျိုးမှာ Data က ၁ byte သာပါပြီး၊ ခေါင်းစီးက ၄၀ bytes နေရာယူထားပါတယ်။ ဈေးထဲက မကျီးသီး ၅ ကျပ်သားဝယ်တာ သတင်းစာ တစ်စောင်လုံးနဲ့ ထုပ်ပေးလိုက်သလိုဖြစ်တာပေါ့။ ဒီ TCP Packet တွေ Network ပေါ်မှာသွားတော့ ဆင်ဖိုးထက်၊ ချွန်းဖိုးကြီးဆိုသလို Header အချက်အလက်တွေက Data ထက် အဆ ၄၀ ပိုယူသလိုဖြစ်တာကြောင့် Bandwidth အလဟသ ဖြစ်ရပါတယ်။ ၁၉၈၄ ခုနှစ်ကဆို Bandwidth က နည်းကလည်းနည်း ဈေးကလည်းကြီးဆိုတော့ ဒီပြသနာကို ဖြေရှင်းဖို့ဆိုတာ တော်တော်အရေးကြီးတယ်လို့ဆိုရပါမယ်။ (ဒီပြသနာကို Tinygram Problem လို့ခေါ်ပါတယ်။)

နေဂယ် ရဲ့ Algorithm အလုပ်လုပ်ပုံကတော့ ပို့စရာရှိတဲ့ အချက်အလက်တွေကို ချက်ချင်းမပို့သေးဘဲစောင့်နေပြီး - အတော်အသင့် များလာပြီဆိုမှ packet ကိုပို့ပေးမယ်ဆိုပြီး ပြင်လိုက်တာဖြစ်ပါတယ်။ မင်္ဂလာဒုံကိုပြေးတဲ့ ၅၁ ကား ဆူးလေမှတ်တိုင်မှာ လူစောင့်သလိုပေါ့။ ရုံးဆင်းချိန်ဆိုရင် လူပြည့်ဖို့သိပ်ကြာကြာမစောင့်ရဘဲ ချက်ချင်းထွက်နိုင်တယ်၊ ညဥ့်နက်လာရင်တော့ ကားတစီးပြည့်ဖို့ တော်တော် စောင့်ရပါတယ်။ (အခု ၅၁ ကားဆက်ပြေးသေးလားဆိုတာတော့ မပြောတပ်ဖူး။) ကားတစီးမှာ လူဘယ်လောက်ဆန့်တယ်ဆိုတာ အကန့်အသတ်ရှိသလို Packet တစ်ခုမှာ အချက်အလက် ဘယ်လောက်ရှိတယ်ဆိုတာကို MSS (Maximum Segment Size) နဲ့သတ်မှတ်ထားပါတယ်။ MSS ကတော့ Network Card ရဲ့ MTU (Maximum Transfer Unit) ဖြစ်ပြီး Ethernet မှာဆိုရင်တော့ ၁၅၀၀ bytes ရှိပါတယ်။

TCP ပို့ဆောင်ရေးစနစ်ဆိုတာ ယုံကြည်စိတ်ချရတဲ့စနစ်ဖြစ်ပါတယ်။ ကွန်ပျူတာနှစ်လုံး TCP ကိုအသုံးပြုပြီး ဆက်သွယ်တယ်ဆိုရင် လမ်းမှာ အချက်အလက် အပြောက်အရှ မရှိရအောင် TCP ကတာဝန်ယူပါတယ်။ TCP ကိုသုံးပြီး ဆက်သွယ်နေတဲ့ကွန်ပျူတာ ၂ ခုကို Host1 နဲ့ Host2 လို့ခေါ်မယ်ဆိုပါစို့။ လက်ခံရရှိတဲ့ကွန်ပျူတာ (Host2) က Packet တစ်ခုရတိုင်း အသိအမှတ်ပြုတဲ့အကြောင်း Packet တစ်ခုကို ပြန်ပြီး မူလကွန်ပျူတာ (Host1) ဆီကိုပို့ပေးရပါတယ်။ အသိအမှတ်ပြုတဲ့ packet ကို acknowledgment packet (အတိုကောက် ack) လို့ခေါ်ပါတယ်။ Host1 က packet တစ်ခုပို့ပြီးတိုင်း Host2 ဆီက ack ကိုစောင့်ပါတယ်။ Ack မရသေးရင် Host1 က နောက်ထပ်ပို့စရာရှိတဲ့ အချက်အလက်တွေကို ဆက်မပို့ဘဲ စောင့်နေပါတယ်။ Ack မရတာ တော်တော်ကြာသွားရင် Host1 က ပထမပို့လိုက်တဲ့ packet လမ်းမှာ ပျောက်သွားပြီလို့ ယူဆပြီး အဲဒီ packet ကို ထပ်ပို့ပေးပါတယ်။ ဒါကို Retransmission လို့ခေါ်ပါတယ်။


Packet တစ်ခုပို့တိုင်း ack တစ်ခုရဖို့စောင့်ရတယ်ဆိုတာ (one to one acknowledgment လို့ခေါ်ပါတယ်) လက်တွေ့မှာ အရမ်းနှေးပြီး၊ ack တွေအရမ်းများလို့ bandwidth အလဟသ ဖြစ်ရပါတယ်။ ဒီကနေ့အသုံးပြုတဲ့ TCP ရဲ့ acknowledgment စံနစ်မှာတော့ one-to-one ထက်ပိုကောင်းတဲ့ sliding window စံနစ်ကိုသုံးပါတယ်။ Host1, Host2 ဥပမာနဲ့ ပြန်ပြောပါမယ်။ Host1 နဲ့ Host2 ကြားမှာ အသိအမှတ်မပြုသေးခင်မှာ အချက်အလက် ဘယ်လောက်များများပို့နိုင်တယ်ဆိုတာကို window size လို့ခေါ်ပါတယ်။ Window size က ကွန်ပျူတာ ဘယ်လောက်အလုပ်ရှုပ်တယ်ဆိုတာပေါ်မှာ မူတည်းပြီး အနည်းအများ ပြောင်းလဲတပ်တာကြောင့် dynamic window size လို့ခေါ်ပါတယ်။ Host1 နဲ့ Host2 အချက်အလက်တွေ မပို့ပေးခင်မှာ window size ဘယ်လောက်ရှိတဲ့အကြောင်း အချင်းချင်း သတင်းဖလှယ်ရပါတယ်။ Host2 က Host1 ကို "ငါ့ရဲ့ window size ကတော့ ၄၅၀၀" လို့ပြောတယ်ဆိုပါစို့။ (၄၅၀၀ ကို Host2 ရဲ့ ကြေငြာတဲ့ window size - advertising window size လို့ခေါ်ပါတယ်။)
Host1 က Host2 ရဲ့ window size ၄၅၀၀ ဖြစ်ကြောင်းကိုသိပြီးတဲ့အတွက်ကြောင့် -
၁၊ Host1 က Host2 ကို တချိန်ထဲမှာ data ၄၅၀၀ bytes ပို့ပေးလို့ရတယ်။
၂၊ ၄၅၀၀ bytes ထက်ပိုတဲ့ အချက်အလက်ကတော့ Host2 ဆီက ack ရပြီးတော့မှ ဆက်ပို့ပေးလို့ရမယ်။
၃၊ Host2 က ၄၅၀၀ bytes လုံး လက်ခံရပြီးမှ ack တစ်ခါဘဲ ပြန်ပို့ပေးလို့ရတယ်။


နေဂယ် ရဲ့ Algorithm အလုပ်လုပ်ပုံကို အကြမ်းပြောရရင် -

၁၊ ပို့စရာရှိတဲ့ အချက်အလက်တွေ တော်တော်များများရှိလို့ (MSS ထက်များရင်) Packet ကိုချက်ချင်းပို့ပေးပါ။ (လူပြည့်လို့ ကားထွက်သွားတာပေါ့။)
၂၊ ပို့စရာရှိတဲ့ အချက်အလက်တွေ သိပ်မများပေမယ့် (MSS ထက်နည်းနေသေးတယ်) acknowledgment packet ရရင် Packet ကိုချက်ချင်းပို့ပေးပါ။
၃၊ ပို့စရာရှိတဲ့ အချက်အလက်တွေ သိပ်မများတဲ့အပြင် (MSS ထက်နည်းနေသေးတယ်) acknowledgment packet လည်းမရသေးရင် packet ကိုမပို့သေးဘဲစောင့်နေပါ။

Operating System အားလုံးလိုလိုက နေဂယ် ရဲ့ Algorithm ကို by default အရ enable လုပ်ထားပါတယ်။ ကိုယ်တိုင်ရေးတဲ့ Program တွေမှာ နေဂယ် ရဲ့ Algorithm ကို disable လုပ်ချင်ရင် TCP_NO_DELAY ဆိုတဲ့ flag ကိုသုံးလို့ရပါတယ်။ C မှာဆိုရင် setsockopt() function ရဲ့ flag တစ်ခုဖြစ်ပါတယ်။

နေဂယ် ရဲ့ Algorithm ကြောင့် ကောင်းတာရှိသလို ဆိုးတာလဲရှိပါတယ်။ ဆိုးတာတွေထဲက ၂ ခုကိုပြောရရင် -
၁၊ အချိန်ပေါ်မှာမူတည်တဲ့ အချက်အလက်တွေကို ပို့ပေးဖို့အတွက် နေဂယ် ရဲ့ Algorithm ကို မသုံးသင့်ပါ။ ဥပမာ Stock price လိုမျိုး စက္ကန့်အစိတ်အပိုင်းအတွင်းမှာ ပြောင်းနေတဲ့ အချက်အလက်တွေဟာ နေဂယ် ရဲ့ Algorithm က နှောင့်နှေးစေပါတယ်။
၂၊ နေဂယ် ရဲ့ Algorithm နဲ့ TCP ရဲ့ အခြား feature တစ်ခုဖြစ်တဲ့ delayed acknowledgment တို့ဟာ လုံးလုံး မတဲ့တဲ့ အတွက်ကြောင့် မကြာခဏ ပြသနာတွက်တာ ကြုံတွေ့ရပါတယ်။ ဒီအကြောင်းကို နောက်ခေါင်းစဉ်တစ်ခုနဲ့ ထပ်ရေးသွားပါမယ်။

2008 US Open Diary - Aug 20

လာမယ့် တင်္နလာနေ့ (သြဂုတ်လ ၂၅ ရက်နေ့) ဆိုရင် US Open Tennis ပြိုင်ပွဲကြီးစတော့မယ်။
နိုင်ငံအစုံက ကစားသမားတွေ New York ကို ရောက်နေကြပြီဖြစ်ပြီး ဒီတပတ်လုံး ပြင်ဆင်လေ့ကျင့် နေကြပါတယ်။

Christian Harrison


Kyaw Kyaw Khine & Christian Harrison at USTA New York(Aug 19, 2008)
(၁၃ နှစ်အောက် အသက်အုပ်စုမှာ အမေရိကရဲ့ နံပါတ် ၁ တင်းနစ် အားကစားသမား ပေါက်စ)
Christian's YouTube Clip and Profile


Stan

ဒီနေ့ နေ့လည် ၃ နာရီလောက်က တင်းနစ်ကွင်းတွေဆီကိုရောက်တော့ Switzerland နိုင်ငံက ကမ္ဘာ့အဆင့် နံပါတ် ၁၀ ဖြစ်တဲ့ Stanislas Wawrinka လေ့ကျင့်တာကို သွားကြည့်ဖြစ်ပါတယ်။ Stan က Roger Federer ရဲ့ သူငယ်ချင်းဖြစ်ပြီး သူတို့နှစ်ယောက်တွဲ Beijing Olympics မှာ ရွှေတဆိပ်ရခဲ့ပါတယ်။ အဲဒီပွဲအပြီးမှာ Roger နဲ့ Stan ကွင်းပေါ်မှာ အောင်ပွဲခံကြတာကို ဘာလုပ်တာလဲလို့ နားမလည်တဲ့အတွက် ကျွန်တော် Stan ကိုမေးကြည့်ပါတယ်။

Me : Stan, Congratultaions on Olympics Gold.
Wawrinka : Thank You.
Me : I have a question if you don't mind.
(Stan looked at me as if saying "go ahead")
Me : What were you and Rog doing when celebrating on court after the final. I couldn't figure it out.
Wawrinka : (smiling) I was on fire and Roger was warming his hands.
Me : Oooooh .. I got it. Thank you very much.
(I wished I taped that conversation.)

စိတ်ကူးယဉ်တာမဟုတ်ပါဘူး။ တကယ်မေးခဲ့တာပါ။ ကျွန်တော် အရမ်းပျော်ပြီး ပြန်လာခဲ့တယ်ဆိုတာ သိပ်ပြောဖို့လိုမယ်မထင်ပါဘူး။

Players

ဒီနေ့ကြည့်ခဲ့တဲ့ အားကစားသမားများရဲ့ ဓါတ်ပုံတွေ။


Tomas Berdych (Czech)



Marat Safin (Russian)



Nicholas Kiefer (German)


Feliciano Lopez (Spanish)

Latency (4)

၎၊ Processing/Forwarding Delay (Packet တစ်ခု Router သို့မဟုတ် Switch အထဲမှာ "ကြာတဲ့အချိန်")

Router အလုပ်လုပ်ပုံ အခြေခံ

၁၊ ရောက်လာတဲ့ Frame ရဲ့ CRC (FCS) တန်ဖိုးကို တွက်ချက်စစ်ဆေးတယ်။ တန်ဖိုး မကိုက်ဖူး၊ မှားနေတယ်ဆိုရင် Frame ကို လက်မခံဘဲ ဖျက်ပြစ်လိုက်တယ်။ (ဒီအဆင့်ကတော့ Switch မှာ အလုပ်လုပ်ပုံနဲ့ တူပါတယ်၊)
၂၊ CRC (FCS) တန်ဖိုး မှန်တယ်ဆိုရင် Frame ထဲကနေ Layer 3 အချက်အလက်ကို ထုတ်ယူပါတယ်။ အထုပ်ဖြေချင်း (de-encapsulation) လို့ ခေါ်ပါတယ်။
၃၊ De-encapsulate လုပ်ပြီးရလာတဲ့ Packet ရဲ့ ထိပ်မှာပါတဲ့ Header Checksum ကို တွက်ချက်စစ်ဆေးပါတယ်။ တန်ဖိုးမကိုက်ဖူး မှားနေတယ်ဆိုရင် Packet ကို လက်မံဘဲ ဖျက်ပြစ်လိုက်တယ်။
၎၊ Packet မှာပါတဲ့ Destination IP address ကိုဖတ်ပြီး Routing Table ထဲမှာ လိုက်ရှာတယ်။ Routing Table ဆိုတာ IP address ရယ်၊ နောက်တဆင့်မှာသွားရမဲ့ Router ရဲ့ IP address (next hop IP) ရယ်၊ Router ရဲ့ထွက်ပေါက် (output interface)ဆိုတဲ့ အချက် ၃ ခုကို တွဲမှတ်ထားတဲ့ ဇယားဖြစ်ပါတယ်။ Router Table ထဲမှာ လိုက်ရှာလို့တွေ့ရင်၊ နောက်တဆင့်သွားရမဲ့ Router ရဲ့ IP address (next hop IP) နဲ့ Router ရဲ့ထွက်ပေါက် (output interface) တွေကိုသိမှာဖြစ်ပါတယ်။ Routing Table ထဲမှာ ရှာလို့မတွေ့ရင်တော့ အဲဒီ Packet ကို ဖျက်ပြစ်လိုက်မှာ ဖြစ်ပြီး Packet ကိုပို့ပေးတဲ့ မူလကွန်ပျူတာဆီကို မပို့ပေးနိုင်တဲ့သတင်း ICMP နဲ့ ပြန်လည် အကြောင်းကြားပေးမှာဖြစ်ပါတယ်။ ဒီလိုဖြစ်တာကို (Routing Table Lookup Failure) လို့ခေါ်ပါတယ်။

Routing Table ထဲမှာ ရှာတွေ့တယ်ဆိုပါစို့၊
၅၊ Router တစ်ခုကိုဖြတ်သွားတာ ဖြစ်တဲ့အတွက်ကြောင့် TTL (Time To Live) တန်ဖိုးကို ၁ နှုတ်ပါမယ်။ နှုတ်ပြီးလို့ TTL တန်ဖိုး သုညထက်ကြီးဖို့ လိုပါတယ်။ TTL တန်ဖိုး သုညဖြစ်သွားရင် Packet ရဲ့သက်တန်းကုန်သွားပြီ ဖြစ်တဲ့အတွက် Router က Packet ကိုဖျက်ဆီးပြစ်လိုက်ပြီး မူလ ကွန်ပျူတာဆီကို TTL သုညဖြစ်သွားလို့ ဖျက်ဆီုပြစ်လိုက်ရတဲ့အကြောင်း ICMP နဲ့ သတင်းပြန်ပို့ပေးပါတယ်။ (ဒီအလုပ်လုပ်ပုံကို Traceroute program မှာ သုံးတဲ့အကြောင်း ခေါင်းစဉ်တစ်ခုနဲ့ ရေးခဲ့ဖူးပါတယ်၊)
၆၊ TTL တန်ဖိုး ပြောင်းသွားတဲ့အတွက် IP Header ရဲ့ Checksum ကိုပြန်လည် တွက်ချက်ရပါတယ်။ (ကျွန်တော့ သူငယ်ချင်း တစ်ယောက် အလုပ်အင်တာဗျူးမှာ အမြဲတန်း မေးတဲ့ မေးခွန်းပါ၊)

Routing Table ထဲမှာဘယ်ကိုပို့ရမယ်လို့ ရှာတွေ့ပြီးတဲ့နောက်မှာတော့ Packet ကို ထွက်ပေါက်ကနေ ထုတ်လွှတ်ဖို့ပြင်ဆင်ရပါမယ်။

ရ၊ Packet ကို layer 2 အချက်အလက်တွေနဲ့ ပြန်လည် ထုပ်ပိုးဖို့ (encapsulation) လိုပါမယ်။ နောက်တဆင့် Router (next hop IP) ရဲ့ MAC address ကို ARP Table (address resolution protocol)ဇယားထဲကနေရှာပါမယ်။
၈၊ ARP Table ကရတဲ့ အချက်အလက်ကိုယူပြီး IP Packet ကို layer 2 frame ထဲကို ထုပ်ပိုးပြီး အတွက်ပေါက်ကနေ ထုတ်လွှတ်ပေးလိုက်ပါတယ်။ (Layer 2 CRC (FCS)) တွက်ချက်တာလည်း ဒီအဆင့်မှာပါပါတယ်။

Switch - CAM Table ထဲမှာ Destination Address ကိုရှာလို့မတွေ့ရင် (lookup failure ဖြစ်လျင်) Frame ကိုထွက်ပေါက်အားလုံးကို ပို့ပေးလိုက်တယ်၊
Router - Routing Table ထဲမှာ Destination Address ကိုရှာလို့မတွေ့ရင် (lookup failure ဖြစ်လျင်) Packet ကို ရှေ့ဆက်မပို့တော့ဘဲ ဖျက်ဆီးပြစ်လိုက်တယ်။
- ဆိုတာ Router နဲ့ Switch အဓိက ကွာခြားချက်တွေထဲက တစ်ခုဖြစ်ပါတယ်။

အထက်မှာပြောတဲ့အဆင့်တွေလုပ်ဖို့ ကြာတဲ့အချိန်ကတော Router တစ်ခုရဲ့ Processing/Forwarding delay ဖြစ်ပါတယ်။ ဘယ်နှစ်စက္ကန့် ကြာတယ် ဆိုတာကတော့ Router ရဲ့ manufacturer, model, software/hardware architecture ပေါ်မှာ မူတည်ပြီး အမျိုးမျိုး ကွဲပြားပါတယ်။

ကျွန်တော် လက်တွေ့လေ့လာမိသလောက် Cisco က ထုတ်လုပ်တဲ့ Router တွေမှာ ပါတဲ့ software architecture တွေထဲက -
၁၊ Process switching - ရှေးအကျဆုံး၊ အနှေးဆုံး နည်းလမ်းဖြစ်ပါတယ်။ အထက်မှာ ဖေါ်ပြခဲ့တဲ့ အဆင့်တွေအားလုံးကို CPU တစ်ခုထဲကတာဝန်ယူပါတယ်။
၂၊ Fast switching - Packet တစ်ခု Router ထဲမှာဖြတ်သွားပြီးလျင် cache entry တစ်ခု memory ထဲမှာ တည်ဆောက် လိုက်ပါတယ်။ နောက်လာတဲ့ Packet တွေက အရင် Packet နဲ့တူတယ်ဆိုရင် table lookup အဆင့်တွေ လုပ်စရာမလိုတော့ဘဲ cache ကနေ အချက်အလက်တွေကို ယူပြီး packet ကိုပို့ပေးလိုက်ပါတယ်။ Process switching ထက် ပိုမြန်တာပေါ့၊
၃၊ CEF switching - Cisco ရဲ့ အဆင့်မြင့် packet forwarding နည်းလမ်းဖြစ်ပါတယ်။ Router table ရယ်၊ ARP Table ကို ပေါင်းထားတဲ့ CEF Table အပြင် အနီးအနားမှာရှိတဲ့ Router တွေရဲ့ အချက်အလက်ကိုစုဆောင်းထားတဲ့ဇယား (adjacency table) တို့တွဲပြီး အလုပ်လုပ်ပါတယ်။ CEF ဆိုတာကတော့ Cisco Express Forwarding ဖြစ်ပါတယ်။ Routing table ကို 256-way m-trie data structure နဲ့ တည်ဆောက်ထားပါတယ်။

အထက်မှာပြောခဲ့တဲ့ Process switching, fast switching and CEF switching မှာပါတဲ့ switching ဆိုတဲ့စကားလုံး ဟာ Router တစ်ခုထဲမှာ Packet တစ်ခုကို အ၀င်ပေါက်ကနေ၊ အထွက်ပေါက်ကို ဘယ်လိုရောက်အောင် ပို့ပေးတယ်ဆိုတဲ့ နည်းလမ်းဖြစ်ပါတယ်။ Switch တစ်ခုမှာ အလုပ်လုပ်တဲ့ switching နဲ့ မတူပါဘူး။
အသးစိတ်လေ့လာချင်လျင် ဒီစာအုပ်ကို ဖတ်ပါ။

Router ထဲမှာ ကြာတဲ့အချိန်က Packet ကို တနေရာက တနေရာကိုပို့ပေးဖို့တင် မက အခြား အလုပ်ပိုတွေလည်းလုပ်ရတာ ဖြစ်နိုင်ပါတယ်။ ဥပမာ
၁၊ NAT - Network Address Translation ကွန်ပျူတာ အများကြီးကို Public IP address တစ်ခုထည်းမှာ ဝေငှ သုံးဖို့ အသုံးများ ပါတယ်။ အိမ်တွေမှာရော၊ ရုံးတွေမှာပါ သုံးကြပါတယ်။
၂၊ ACL - Access Control List ဘယ် application ၊ ဘယ် IP address ကိုခွင့်ပြုချင်တယ်၊ မပြုချင်ဘူး ဆိုတာပေါ် မူတည်ပြီး သုံးပါတယ်။ Internet Service Provider က အိမ်သုံးကွန်ပျူတာတွေ web server မလုပ်စေချင်ရင် TCP Port 80 ကို ပိတ်ထားတာမျိုးပေါ့။
၃၊ QoS - Quality of Service ဘယ် application ၊ ဘယ် IP address ကို bandwidth များများပိုပေးချင်တယ်၊ priority ပိုပေးချင်တယ်ဆုိုရင် သုံးတာမျိုးဖြစ်ပါတယ်။ အင်တာနက် ဖုံးနဲ့၊ အင်တာနက် ဗီဒီယို အသုံးပြုသူများအတွက် အထူးလိုအပ်ပါတယ်။

Latency (3)

၎၊ Processing/Forwarding Delay (Packet တစ်ခု Router သို့မဟုတ် Switch အထဲမှာ "ကြာတဲ့အချိန်")

Packet တစ်ခု Switch တစ်ခု ထဲကိုဝင်လာပြီးရင် ဘယ်အဆင့်တွေကို ဖြတ်သန်းသွားရမလဲ ?
Packet တစ်ခု Router တစ်ခု ထဲကိုဝင်လာပြီးရင် ဘယ်အဆင့်တွေကို ဖြတ်သန်းသွားရမလဲ ?

အလုပ်အင်တာဗျူးမှာ အလွန်မေးလို့ကောင်းတဲ့မေးခွန်း ၂ ခုဖြစ်ပါတယ်။

Switch အလုပ်လုပ်ပုံ အခြေခံ
၁၊ ရောက်လာတဲ့ Frame ရဲ့ CRC (FCS) တန်ဖိုးကို တွက်ချက်စစ်ဆေးတယ်။ တန်ဖိုး မကိုက်ဖူး၊ မှားနေတယ်ဆိုရင် Frame ကို လက်မခံဘဲ ဖျက်ပြစ်လိုက်တယ်။
၂၊ CRC (FCS) တန်ဖိုး မှန်တယ်ဆိုရင် Frame ရဲ့ Destination Address ကိုဖတ်ပြီး၊ Switch ရဲ့ Mac-address-table ထဲမှာ အဲဒီ destination address ကိုလိုက်ရှာပါတယ်။ Mac-address table ကို CAM Table - Content Addressable Memory Table လို့လဲခေါ်ပါတယ်။ CAM Table ဆိုတာကတော့ ဘယ် MAC Address က ၊ Switch ရဲ့ ဘယ်အပေါက် (port) မှာ ရှိတယ်ဆိုတာကို မှတ်ထားတဲ့ ဇယားဖြစ်ပါတယ်။ တနည်းပြောရင် ဘယ်ကွန်ပျူတာက Switch ရဲ့ ဘယ်အပေါက်မှာ ချိတ်ထားတယ်ဆိုတာကို မှတ်ထားတဲ့ ဇယားဖြစ်ပါတယ်။
၃၊ CAM Table ထဲမှာ Destination address ကို ရှာလို့တွေ့ရင်၊ အဲဒီ MAC address နဲ့ သက်ဆိုင်တဲ့ အပေါက်ကနေ Frame ကို ထုတ်လွှတ် ပေးလိုက်ပါတယ်။
၎၊ CAM Table ထဲမှာ Destination address ကို ရှာလို့မတွေ့ရင်၊ Frame ကို လက်ခံရတဲ့အပေါက်ကလွဲလို့၊ အပေါက်တိုင်းကို ထုတ်လွှတ် ပေးလိုက်ပါတယ်။
(CRC = Cyclic Redundancy Check)
(FCS = Frame Check Sequence)

Switch ကိုပြောတဲ့အခါမှာ Packet အစား၊ Frame လို့သုံးတာ သတိပြုပါ။ OSI ခုနှစ်လွှာ အလိုအရ Layer 2 က unit က Frame ဖြစ်ပြီးတော့၊ Layer 3 က unit က Packet ဖြစ်ပါတယ်။

Switch တွေ ဘယ်လောက် မြန်မြန်နဲ့ Frame ကို ပုံပေးနိုင်သလဲဆိုတာ ဇယားထဲမှာ ဘယ်လောက်မြန်မြန်ရှာနိုင်သလဲ၊ Frame ကို ဘယ်အချိန်မှာ စတင် ထုတ်လွှတ်မလဲ ဆိုတဲ့ အချက်တွေပေါ်မှာ မူတည်ပါတယ်။

ဇယားထဲမှာ ဘယ်လောက်မြန်မြန်ရှာနိုင်သလဲဆိုတာ ကတော့ ဇယားအရွယ်အစားဘယ်လောက်ကြီးသလဲ (ကွန်ပျူတာတွေ ဘယ်လောက်များများ Switch မှာ လာချိတ်ထားသလဲ)၊ Switch ရဲ့memory တို့၊ CPU တို့က ဘယ်လောက်မြန်မြန် အလုပ်လုပ်နိုင်သလဲဆိုတာပေါ်မှာ တည်ပါတယ်။

Frame ကို ဘယ်အချိန်မှာ ထုတ်လွှတ်မလဲဆိုတာကတော့ Switch က အသုံးပြုတဲ့နည်းလမ်း (switching method) နဲ့ဆိုင်ပါတယ်။
၁၊ cut-through switching - Switch က အ၀င်ပေါက်မှာ destination address ကို လက်ခံရရှိပြီဆိုတာနဲ့ ဇယားမှာရှာပြီး အထွက်ပေါက်ကို ပို့ပေးတဲ့ နည်းလမ်းဖြစ်ပါတယ်။ ကောင်းကျိုးကတော့ အရမ်းမြန်တာပေါ့၊ ဆိုးကျိုးကတော့ Frame က လမ်းမှာ အမှား တစ်ခုခုဖြစ်ခဲ့တယ်ဆိုတာကို switch က မစစ်ဆေးတော့တဲ့အတွက် ပျက်စီးနေတဲ့ frame ကို ချိတ်ထားတဲ့ကွန်ပျူတာတွေ ရသွားနိုင်ပါတယ်။ အထက်မှာရေးခဲ့တဲ့ အဆင့်တွေထဲက အဆင့် (၁) CRC (FCS) စစ်ဆေးတဲ့အဆင့်ကို မလုပ်တဲ့ နည်းလမ်းဖြစ်ပါတယ်။
၂၊ fragment free switching - switch က frame ရဲ့ ပထမ ၆၄ bytes ကို လက်ခံရရှိတဲ့အချိန်အထိစောင့်ပြီးမှ ဇယားမှာရှာပြီး အထွက်ပေါက်ကိုပို့ပေးပါတယ်။
Frame တစ်ခုရဲ့အရွယ်က ၆၄ bytes ထက် ငယ်တယ်ဆိုရင် Runt (အသေးလေး) လို့ခေါ်ပါတယ်။ IEEE Ethernet Standard မှာ Frame တစ်ခုရဲ့အရွယ်ဟာ အနည်းဆုံး ၆၄ bytes ရှိရမယ်လို့ သတ်မှတ်ထားပါတယ်။ Runt Frame ဖြစ်ရတဲ့ အဓိက အကြောင်းကတော့ ကွန်ပျူတာ နှစ်လုံးက Frame ကို တစ်ပြိုင်ထဲ ပို့လိုက်ကြလို့ လမ်းခုလပ်မှာ Frame တွေ အချင်းချင်း တိုက်မိကြရင်း (collision) ဖြစ်တာပါ။ ကောင်းကျိုးကတော့ cut-through switching လောက်နီးနီးမြန်ပြီး၊ Runts (အသေးလေး) တွေ မဟုတ်တာ သေချာအောင် စစ်ပြီးသွားဖြစ်သွားပါတယ်။ ဆိုးကျိုးကတော့ cut-through switching လိုဘဲ CRC (FCS) စစ်ဆေးတဲ့အဆင့်မရှိတာပေါ့။
၃၊ store and forward switching - switch က frame တစ်ခုလုံးကို အ၀င်ပေါက်ကလက်ခံ၊ CRC (FCS) တန်ဖိုးကိုတွက်ချက်စစ်ဆေး ပြီးတော့မှ ဇယားထဲမှာရှာကြည့်ပြီး အထွက်ပေါက်ကို ပုိ့ပေးပါတယ်။ အခြား switching နည်းလမ်းတွေနဲ့ ယှဉ်ကြည့်ရင်တော့ ပိုနှေးတာပေါ့။

နောက်ဆုံးပေါ် switch တွေရဲ့ CPU တွေက အရမ်းမြန်နေပြီဖြစ်တာကြောင့် store-and-forward switching နည်းလမ်းကိုဘဲ အမြဲတမ်း သုံးသင့်ပါတယ်။

ဘွတ်ရှ် နဲ့ ပူတီ-ပူး

"ပူတီ-ပူး" ဆိုတာ ရုရှားဝန်ကြီးချုပ် ပူတင်ကို အမေရိကန်လက်ရှိသမ္မတ ဂျော့ဘွတ်ရှ် ပေးထားတဲ့နာမည်ဖြစ်ပါတယ်။
"သူမျက်လုံးထဲကိုကြည့်လိုက်တော့ အမှန်အတိုင်းပြောတဲ့သူ၊ ယုံကြည်စိတ်ချရတာသူဖြစ်တ်ာလို့ ငါမြင်လိုက်ရတယ်" လို့ ၂၀၀၁ ခုနှစ် ဇွန်လမှာ ဘွတ်ရ်ှက ပူတင်နဲ့တွေ့ပြီး မကြာခင်ပြုလုပ်တဲ့ သတင်းစာရှင်းလင်းပွဲမှာ ပြောခဲ့ပါတယ်။

မနေ့က ပီကင်းမှာပြုလုပ်တဲ့ အိုလမ်ပစ်ဖွင့်ပွဲမှာ ၀န်ကြီးချုပ် ပူတင်က၊ သမ္မတ ဘုရ်ှရဲ့ တစ်ခုံကြော်မှာ ထိုင်နေတာတွေ့ပါတယ်။ အဲဒီ အိုလမ်ပစ် ဖွင့်ပွဲလုပ်နေတဲအချိန်နဲ့ တစ်ချိန်ထဲလိုလိုမှာ ရုရှား စစ်တပ်တွေက ဂျော်ဂျီယာနိုင်ငံကို စတင်ဝင် ရောက်တိုက်ခိုက်ပါတယ်။

ဒီသတင်းနှစ်ခုကို တစ်ပြိုင်ထဲတွေ့တော ကျွန်တော့စိတ်ထဲမှာပေါ်လာတဲ့ အတွေးနှစ်ခုကတော့ -
၁၊ ဘွတ်ရ်ှက ဘေးမှာထိုင်နေတဲ့ပူတင်ကို ဘာများပြောလေမလဲ၊ ပူတင့် မျက်လုံးထဲကိုကြည့်ပြီး ဘာများမြင်လေမလဲ။
၂၊ Godfather ရုပ်ရှင် အပိုင်း ၂ ရဲ့ ဇာတ်သိမ်းခမ်းတိုင်းမှာ Coleone မိသားစုရဲ့ ရန်သူတွေကို တစ်ယောက်ပြီး တစ်ယောက် လိုက်သတ်နေတဲ့ အချိန်မှာ Michael Coleone ကတော့ သူတူရဲ့ နှစ်ချင်းခံပွဲမှာ မှာ မိသားစု လူကြီးတစ်ယောက်အနေနဲ့ တက်နေတာကို - သွားသတိရမိပါတယ်။

၂၀၀၁ ခုနှစ် က သတင်းစာရှင်းလင်းပွဲ
"I looked the man in the eye. I found him to be very straightforward and trustworthy." - George W. Bush

Latency (2)

၃၊ Queueing Delay (Packet တစ်ခုကို Device တစ်ခုက ထုတ်လွှတ်ဖို့ တန်းစီစောင့်နေစဉ်မှာ "ကြာတဲ့အချိန်")

ရုပ်ရှင်ကောင်းလို့ သမ္မတရုံမှာ လက်မှတ်ဝယ်တဲ့အခါ လူတန်းရှည်ကြီးနဲ့စောင့်ရတာ မှတ်မိပါသေးတယ်၊ (မှောင်ခိုဝယ်ရင်တော့ စောင့်စရာမလိုဘူးပေါ့)။ ဒီလို လူတန်းရှည်ကြီးကို queue လို့ခေါ်ပြီး၊ တန်းစီပြီး စောင့်ရတာကို queueing လို့ ပြောနိုင်ပါတယ်။

ဘာကြောင့်လူတန်းအရှည်ကြီးဖြစ်ရတာလဲဆိုရင် လက်မှတ်ရောင်းတဲ့လူအရေအတွက်ကလည်း သိပ်မများ၊ နှေးကလဲနှေးတဲ့အချိန်မှာ လက်မှတ်ဝယ်ချင်တဲ့လူတွေက အများကြီးဖြစ်နေလို့ပေါ့။ ဒီလိုဘဲ Router တစ်ခုမှာ အပြင်ကို Transmit လုပ်ရမဲ့ Packet တွေကများပြီး၊ output interface က နှေးနေခဲ့ရင်၊ Router ရဲ့ အထွက်ပေါက်မှာ packet တွေ စီစောင့်နေရပါတယ်။ ဘယ်လောက်ကြာကြာ စောင့်ရသလဲ ဆိုတာကတော့ ရှေ.မှာ Packet ဘယ်လောက်များများရှိသလဲဆိုတာရယ်၊ Router interface က ဘယ်လောက်မြန်မြန် Transmit လုပ်ပေးနိုင်သလဲ (တနည်းပြောရရင် serialization delay ဘယ်လောက်ကြာသလဲ) ဆိုတာပေါ်မှာ မူတည်ပါတယ်။ ရုပ်ရှင်ရုံမှာ ကိုယ့်ရှေ.ကလူတန်းဘယ်လောက်ရှည်သလဲ၊ လက်မှတ်ရောင်း တဲ့လူက ဘယ်လောက် အလုပ်မြန်မြန်လုပ်သလဲ ဆိုတာမူတည်သလိုပေါ့။

လက်မှတ်ဝယ်ဖို့စောင့်နေရင်း၊ ကိုယ်အလှည့်ရောက်ခါနည်းမှ လက်မှတ်ကုန်သွားပြီဆိုရင် နောက်ပွဲ စောင့်ကြည့်ရင်ကြည့်၊ နောက်နေ့ ပြန်လာချင်လာ၊ ဒါမှ မဟုတ်လဲ့ မကြည့်ဘဲ အိမ်ပြန်တော့ပေါ့။ အထွက်ပေါက်မှာ စောင့်နေတဲ့ packet တွေများလွန်းလို့ မစောင့်နိုင်တော့ရင် Router က packet တွေကို ဖျက်ပြစ်လိုက်ပါတယ်။ ဒါကို Output queue drop လို့ ခေါ်ပါတယ်။ ဒီလို output queue drop ဖြစ်ရင် router က packet ကိုကြိုးစားပြီးထပ်ပို့ပေးဖို့တာဝန် မရှိပါဘူး။ Router က drop လုပ်လိုက်တဲ့သတင်းကိုတော့ packet ကိုပို့ပေးတဲ့ source computer ဆီကိုတော့ ပြန်အကြောင်းကြားပေးပါတယ်။ ပြန်ပို့ချင်၊ မပို့ချင်ဆိုတာကတော့ source computer ရဲ့ သဘောပေါ့။

VIP တစ်ယောက်နဲ့သိလို့ဘဲဖြစ်ဖြစ်၊ မှောင်ခိုကဘဲ ဈေးကြီးပေးဝယ်ဝယ် - တနည်းနည်းနဲ့ လူတန်းအရှည်ကြီးမှာ စောင့်မနေဘဲ ချက်ချင်းလက်မှတ်ရတဲ့နည်းတွေရှိပါတယ်။ Network မှာလည်း queue ထဲမှာ စောင့်မနေနိုင်တဲ့ Packet အမျိုးအစား တွေရှိပါတယ်။
ဥပမာ
- အင်တာနက်ပေါ်မှာ ဖုံးပြောတဲ့ (Voice over IP) packet တွေဟာ လမ်းမှာကြာနေခဲ့ရင် နားထောင်တဲ့သူမှာ လေးလုံးမကွဲဖြစ်ပါလိမ့်မယ်။
- E-mail packet တွေကတော့ လမ်းမှာ ကြာနေလည်း e-mail ဖတ်သူဆီမှာ ဘာမှ ပြသနာ မရှိပါဘူး။

Router တစ်ခုရဲ့ထွက်ပေါက်မှာ e-mail packet ၁၀ ခုကစောင့်နေချိန်မှာ၊ Voice over IP Packet တစ်ခု နောက်က ရောက်လာတယ်ဆိုပါစို့။ Router အနေနဲ့ VoIP packet ကို ကြားဖြတ်ပြီး အမြန်ဆုံးပို့ပေးဖို့လိုပါတယ်။ ဒီလိုလုပ်နိုင်ဖို့ နည်းလမ်းပေါင်း များစွာရှိတဲ့အထဲက priority queueing ကတော့ အလွယ်ဆုံးနဲ့၊ လူသုံးအများဆုံး ဖြစ်ပါတယ်။

Priority queue အလုပ်လုပ်ပုံကတော့ -
Router ရဲ့ memory မှာ
၁၊ normal priority queue နဲ့
၂။ high priority queue ဆိုပြီး နှစ်မျိုးခွဲထားပါတယ်။ Router က high priority queue မှာ packet တွေ့တိုင်း normal priority queue မှာ packet ဘယ်လောက်ရှိနေနေ ကြားဖြတ်ပြီး အရင်ဆုံးပို့ပေးပါတယ်။

Queueing delay ကိုအဆုံးသတ်ရရင် -
Queueing delay ဆိုတာ router ရဲ့ output interface မှာ packet တွေစီစောင့်နေရလို့ကြာတဲ့အချိန်ဖြစ်ပါတယ်။ အဲဒီ packet တွေဟာ router ရဲ့ output queue ထဲမှာထိုင်စောင့်နေကြပါတယ်။ ဘယ်လောက်ကြာကြာ စောင့်ရသလဲဆိုတာက ၁၊ output interface ရဲ့ serialization delay နဲ့ ၂၊ output queue ထဲမှာ packet ဘယ်လောက်များများရှိလဲ ပေါ်မှာ တည်ပါတယ်။ အချိန်နှေးတာကို သည်းမခံနိုင်တဲ့ application တွေ (ဥပမာ - အင်တာနက်ဖုံး၊ အင်တာနက်ဗီဒီယို) အတွက် ကြားဖြတ်ပြီးအမြန်ပို့ပေးတဲ့ queueing နည်းလမ်းတွေရှိပါတယ်။
Router မှာ input queue delay ရှိပေမယ့် output queue delay နဲ့နှိုင်းယှဉ်ကြည့်ရင် တန်ဖိုးအရမ်း နည်းတာကြောင့် စဉ်းစားဖို့ မလိုအပ်ပါဘူး။

Latency

လွန်ခဲ့တဲ့ ၁၂ နှစ်လောက်ကရေးခဲ့တဲ့ "အဲဒါ Latency ကြောင့်ပေါ့၊ ငတုံးရဲ့" ဆိုတဲ့ဆောင်းပါးကို ဟိုတနေ့က ပြန်ဖတ်မိရင်းနဲ့ ကျွန်တော် လေ့လာ နားလည်သလောက် Latency နဲ့ ပတ်သက်တာကို ပြောသွားပါမယ်။

Latency ဆိုတာကို ဗမာလို "ကြာတဲ့အချိန်" လို့ပြောရင် နီးစပ်မယ်ထင်ပါတယ်။ Network တစ်ခုကိုဖြတ်ပြီး ကွန်ပျူတာ ၂ လုံး အဆက်အသွယ်လုပ်ကြတဲ့အခါ လမ်းခုလတ်မှာ "ကြာတဲ့အချိန်" အနည်းဆုံး ၅ မျိုးခွဲလို့ ရပါတယ်။ အဲဒါတွေကတော့

၁၊ Serialization Delay
၂၊ Propagation Delay
၃၊ Queueing Delay
၎၊ Processing / Forwarding Delay
၅၊ Network Delay

၁၊ Serialization Delay (Packet တစ်ခုကို Device တစ်ခုက ထုတ်လွှတ်ဖို့ "ကြာတဲ့အချိန်")

ဘူတာတစ်ခုမှာ မီးရထားတစင်း ရပ်ထားတယ်ဆိုပါစို့။ ခေါင်းတွဲ စထွက်တဲ့အချိန်ကစလို့၊ နောက်ဆုံးဂတ်ဗိုလ်တွဲ ဘူတာရုံက ကလုံးလုံး ထွက်သွားတဲ့အထိ ကြာတဲ့အချိန်ကို ရထားတွဲရဲ့ serialization delay လို့ပြောနိုင်ပါတယ်။

အောက်မှာ ပြထားတဲ့ပုံကိုကြည့်ပြီးဆွေးနွေးသွားပါမယ်။ Serilization delay ဆိုတာ Network hardware ကနေ packet တစ်ခုကို
ဝါယာကြိုးပေါ်ကို (wireless ဆိုရင်လဲ လေထဲကိုပေါ့) တစ်ပေးဖို့လို့ ကြာတဲ့အချိန်ကို ပြောတာဖြစ်ပါတယ်။ Network hardware ရဲ့ speed မြန်လေလေ၊ serilization delay တန်ဖိုး နည်းလေလေဖြစ်ပါတယ်။

ပုံမှာပြထားတဲ့အတိုင်း HostA က နေ ၁၅၀၀ bytes packet ကို transmit လုပ်ဖို့ ၀.၁၂ မီလီစက္ကန့်ကြာပြီး၊ အဲဒီ packet ကိုဘဲ Router2 က transmit လုပ်ဖို့ ၉၃ မီလီစက္ကန့် ကြာပါတယ်။ တစ်ခုမှတ်ထားစေချင်တာကတော့ Network hardware က packet တစ်ခုကို လက်ခံ ရရှိတဲ့အခါ serialization delay မရှိပါဘူး။

ဘဏ်တွေနဲ့၊ စတော့ရှယ်ရာ အရောင်းအ၀ယ်လုပ်တဲ့ အဖွဲ့အစည်းတွေမှာ - Circuit တစ်ခုကို ငှားတဲ့၊ ၀ယ်တဲ့အခါမှာ bandwidth မလိုအပ်သော်လည်း၊ serialization delay နည်းစေချင်တဲ့အတွက်ကြောင့် ပိုက်ဆံပိုပေးပြီး Higher bandwidth circuit တွေကို
ဝယ်ကြတာ သတိပြုမိပါတယ်။


serialization delay

Serialization Delay = Packet Size / Link Speed
Total Serialization Delay = Summation of Serialization at every hop

၂၊ Propagation Delay (အကွာအဝေးပေါ်မှာ မှီပြီး "ကြာတဲ့အချိန်")

မီးရထားတစင်း ဘူတာရုံကထွက်လာတာကို ကောင်းကင်ကနေကြည့်ကြည့်မယ် ဆိုပါစို့။ ခေါင်းတွဲ ပထမဘူတာရုံကထွက်လာတဲ့အချိန် စပြီး၊ အဲဒီခေါင်းတွဲ ဒုတိယဘူတာရုံကို ၀င်သွားတဲ့အချိန်အထိ ကြာတဲ့အချိန်ကို ရထားရဲ့ ဘူတာနှစ်ခုကြားက propagation delay လို့ ခေါ်ပါမယ်။

ဒီတန်ဖိုးကတော့ နားလည်ရလွယ်ပါတယ်။ Bandwidth ဘယ်လောက် များများ propagation delay ကို လျော့နည်းစေချင်လို့မရပါဘူး။ ဘာကြောင့်လည်းဆိုတော့ အလင်းရဲ့အမြန်နှုန်း (လျှပ်စစ်ရဲ့ အမြန်နှုန်း) ဆိုတာ ကိန်းသေဖြစ်နေလို့ပါ။ ရူပဗေဒ နည်းနည်းပါးပါး သင်ဖူး သူတိုင်း အလင်းရောင်ဟာ တစက္ကန့်ကို မီတာ သန်း ၃၀၀ နှုန်းနဲ့သွားတယ်ဆိုတာ သိကြမယ်ထင်ပါတယ်။ Network တစ်ခု မှာတော့ လျှပ်စစ် နဲ့ အလင်း ပြောင်းလဲတဲ့ အဆင့်တွေရှိတာကြောင့် အလင်း အလျှင်ရဲ့ ၇၀% နဲ့ Packet တွေသွားတယ်လို့ အများစုက လက်ခံထား ကြပါတယ်။
မှတ်ထားစေချင်တာကတော့ propagation delay က packet size နဲ့ရော၊ bandwidth နဲ့ပါ မဆိုင်ပါဘူး ဆိုတဲ့အချက်ပါ။

၅၀ မီတာ = ၀.၀၀၂ မီလီစက္ကန့်
၅ ကီလိုမီတာ = ၀.၀၂၄ မီလီစက္ကန့်
၁၀ ကီလိုမီတာ = ၀.၀၄၈ မီလီစက္ကန့်
၁၀၀၀ ကီလိုမီတာ = ၄.၈ မီလီစက္ကန့်



Propagation Delay and Serialization Delay

R1 နဲ့ R2 ကြားက Link ကို R2 နဲ့ R3 ကြားက Link နဲ့ ယှဉ်ကြည့်ရင် - Bandwidth ပိုများတဲ့အတွက် serialization delay တန်ဖိုးနည်းပေမဲ့ distance ကပိုဝေးတဲ့အတွက်ကြောင့် propagation delay ပိုများတာကို သတိပြုပါ။

Propagation Delay = Length of Link (in Meters) / 70 % of Speed of Light (i.e. 2.1 x 10^8 meter per second)
Total Propagation Delay = Summation of Propagation at every hop